聖詩:173263513

啟應文:22

聖經:使徒行傳111;路加福音4449

題目:「咱失落聖神與見証

時地:2009.6.14/佇溪湖教會主日禮拜講道

列位兄姊大家平安:

         六月份的時,有一條轟動全世界的消息,震動著整個世界的經濟。那就是六月一日美國上大的汽車製造公司「通用汽車」(GM)宣佈破產,過去in是世界汽車生產廠商的老大,六月一日in的宣佈破產、進行財務重整,成為美國工業史上最大宗的破產保護。通用汽車創設佇1908年,一百年來,in通過不斷的購併小公司,發展多樣化的生產線和產品,來滿足不同的族群,但是過多的生產線卻也造成過度的資源浪費,尾手世界經濟無景氣造成通用汽車的倒店。同款的情形也發生佇美國第三大的汽車公司~克萊斯勒身上,它也破產並且賣互義大利飛雅特集團。為什麼一間創設百年,曾連續77年稱霸全世界汽車市場的通用汽車公司(GM),會正式聲請破產?原因佇叨位?

         美國早期的超大型教會,上出名的就是洛杉磯的「水晶大教堂」,它的創設者也是主任牧師就是大大有名聲的Dr. Robert Schuler 牧師,蕭律柏博士 亦是電視台福音節目「權能時間」(Hour of Power) 的主持人。過去五十多年間,他不斷向數以百萬的美國及亞洲信徒宣講激勵人心的福音,並指出凡事有可能的就是:「要上帝佇咱就算說是很小的開始,很小的事工,也會帶來無限的可能總是,佇今年的二月,Schuler牧師卻寫一張互教會主要奉獻者的代禱信,內容提起他發現水晶大教堂必須計劃將6500萬的教堂資產設法賣出去,用得著的錢來還債務,原因是水晶大教堂去年的收入減少500萬元美金,如果情況無改善,教會的電視事工以及其他的事奉就面臨被迫關門的困境。   

          Schuler牧師的批信當中,其實沒點出時代啲變化,人心啲改變的事實。他的後生小Schuler牧師卻是點出水晶大教堂的危機,是在佇~無受著更新的事奉以及信徒。所以小Schuler牧師最後只好帶著想欲更新的信徒,出外開闢新的教會新的事工新的信徒。

         時代不斷啲改變,社會不斷teh變遷,人的心也受著極大的影響。有變好,當然嘛有變歹。列位親愛兄姐,咱的教會~溪湖教會,咱感覺著怎樣才好?豈有感覺著,咱的教會一直攏khia佇十字路口,有的教會已經超越咱,有的教會看見著危機也開始思考、進行著轉型與更新的計畫。上禮拜牧師與代議長老許經德長老阮二人去萬興教會參加in的設教六十週年感恩禮拜,感觸特別深。那個感觸就是,咱的子會不斷teh成長,教勢不斷teh興旺,回頭看咱的教會,咱感覺咱這十年來,豈有成長?閣進前來看,二十年以後,照咱這一二十年來的「慣性作用」「慣性思想」來思考,咱會變成什麼款?

         今仔日的經文ka咱透露三個隱性的危機,第一個危機是~認知和期待差異的危機。耶穌的復活,並無帶來使徒佇對耶穌的「角色」有新的改變。佇角色無變的情形下,對耶穌的期待也就與以前相款。學生說:「主啊,你佇此時欲將國復倒互以色列嗎?」學生說的這句話,與耶穌復活四十天「顯明祂自己是活,續講論上帝國的事」的用意顛倒反。第二個危機是~「沒有中心領導」。所謂的「沒有中心領導」,是表示主耶穌欲離開學生與信徒,這群的人欲失落in的領導者。另外一方面,新的服事團隊、領導團隊也猶未出現。第三個危機是~「未來,需要等待」。主耶穌說:「父所下佇祂自己權內的時及期,呣是恁所通知。」那也就是說,當主耶穌離開了後那一刻開始,這些學生所會通做的,就是「憑著信心,耐心期待上帝的時到。」無人會知到底著等多久,總是,用順服的心來等待上帝國的實現,是學生與信徒必須學習的第一課題。

        十個月來,佇牧師的觀察內面,這三個危機亦存在佇咱溪湖教會內面,呣若安呢而已,咱閣失落三項真要緊的動力。

第一、咱失落「聖靈的臨在」!

        從叨發現咱失落聖靈的臨在呢?主耶穌說:「獨獨聖神臨到恁的時,恁欲得著才能」。(徒一8上)這是什麼款的「才能」呢?聖經ka咱說,這個「才能」,是傳福音的才能。「耶穌閣ka in講:『恁去普天下,傳福音互萬百姓。信來受洗禮的,欲得著救;呣信的,欲受定罪。信的人欲有這些神蹟toe3 in,就是託仗我的名趕鬼;講新的腔口;掠蛇;抑是飲著什麼毒也攏無傷害;閣用手按破病的人,in就好。」(馬可福音十六1518

        另外,這個「才能」是指「合一」的才能。俗語說:「一樣米飼百樣人」!所以「人心隔肚皮」!豈是?總是充滿聖神的使徒教會,充滿聖神的韓國純福音中央教會,充滿聖神的紐約布魯克林會幕堂,卻也充滿著不同的人,不同的姓,不同的文化與家庭背景,也充滿著「合一的生活」。這款「合一的生活」,是因為「我有聖神,我無我!」是因為「我有聖神,所以我願降服上帝的奴僕~牧師的教示,屬靈領袖的帶領!」但是,咱失落聖神,咱也失落合一的生活,咱失落同心。

第二、咱失落「見証」!

        主耶穌說:「獨獨聖神臨到恁的時,恁欲得著才能,閣佇耶路撒冷、遍猶太,及撒馬利亞,直到地極,欲做我的干証」。(徒一8主說「做我的干証」呢,咱來想,「我的干証」「主的干証」是指什麼?「恁若相疼,眾人欲對安呢知,恁是我的學生」。「我無對人受榮光。總是我知,恁無有上帝的疼佇恁的心。我佇我的父的名來,恁呣接納我;若有別人佇自己的名來,恁欲接納他。恁大家相共求榮光,呣求對獨一的上帝來的榮光,怎樣會信?」(約翰福音五4144)「閣上帝用這些神蹟、奇事、逐項的權能,及聖神的賞賜,攏照自己的旨意,及in相及干証。」(希伯來書二4)列位親愛兄姐,這些經文攏啲給咱講起,干証就是「接受聖神、傳福音、見証基督是主」的生活態度。如果,基督是咱的主,咱的服事態度就會大大改變。如果,基督是咱生命的主,咱的生命就會充滿著「馨香之氣」,充滿著「平和及喜樂」的生命氣質。

第三、咱失落開竅的心!

        路加福音的作者記載主耶穌復活欲就天之前,做一個真要緊的動作,「就開in的心竅,互in會曉悟那些聖經」。(路加福音廿四45)「開心竅」的重要性,就是人會曉悟聖經,知影聖經欲ka他說啥!也知影牧師佇講道的時,牧師欲傳達什麼款的道理。「開心竅」閣有一個真要緊的作用,就是人會因為曉悟聖經,致到人的心火熱起來。「in就相及講:『路裡,祂及咱講話,開拆聖經的時,咱的心豈無熱嗎?』」(路加福音廿四32)換一句話說,當人的心封閉的時,人的信仰就愈來愈冷淡,人的心也因為封閉,無活水進入他的心,所以心就會愈來愈硬。硬土,上帝的種子欲怎樣會活?冷心,咱的教會,咱的大家庭欲怎樣會活?會進步?失落開竅的心,終局就是咱與外邦人、世俗人同款~心中無上帝。

         列位親愛兄姐,你會憂心嗎?牧師很憂心!豈有人願意與牧師同心,將這些所失落的,尋找回來?互咱做伙來見証基督閣真閣活的福音!

arrow
arrow
    全站熱搜

    皮皮牧師 發表在 痞客邦 留言(0) 人氣()