聖詩:348466275(故人愛吟)、513

聖經:帖撒羅尼迦前書四1318

題目:用上帝的話相安慰

時地:2009.11.27/在溪湖教會舉行故謝意然姐妹告別禮拜

列位親愛兄姐,大家平安:

有一次,美國水晶大教堂的主任牧師羅勃.舒勒牧師遇著一個會友問他問題,這個會友問講:「為什麼壞事總是臨到好人頭上?」為什麼上帝讓基督徒遭受苦難(天災、人禍、病痛、 死亡、經濟危機、遺傳病……)當苦難臨到時,咱是呣是著親像約伯安呢向上帝發出質疑,閣也懷疑、埋怨上帝?

舒勒牧師應說,「你問呣著問題去啦,因為壞事也會臨到壞人頭上,所以應該要這麼問:『當壞事臨到好人頭上時,好人如何面對?』」好人與壞人對死亡與苦難的反應有什麼不同?信耶穌與無信耶穌的人,反應又閣有什麼不同?不同的所在,就是在佇「盼望」。

德國的大神學家莫特曼佇他寫的「經歷上帝」這本冊內面,描寫著他佇二次世界大戰的時,互德國人軍隊抓去集中營關起來,那時,「盼望」~上帝賞賜互他的「盼望」幫助他佇集中營內面通繼續有勇氣活落去。莫特曼他說:「我看見別人心內怎樣崩去,怎樣放棄所有的盼望,並且也因為失去希望來破病,有的人甚至因為安呢來死亡,相款的代誌也發生佇我的身上,是安怎我卻是可以脫離這款的情形?為著安呢,我欲感謝那個盼望,它互我重新得著生命,即使是四周圍邊仔並無有任何的希望通寄望。」

其實莫特曼那個希望就是所有基督徒的「盼望」,當莫特曼佇集中營與監牢的時,任何的哲學家的思想,攏不能帶互他安慰與盼望,但就只有聖經,帶互他有盼望。後來,莫特曼佇1948年得著釋放,1964年,他寫一本書叫做「盼望神學」,1967年他閣出英文版的「盼望神學」,連邊就受著歡迎,甚至是轟動,閣也影響著基督教神學真深。

對舒勒牧師到莫特曼牧師的故事,帶互咱一個可思考的角度,當咱遇著苦難,遇著死亡,遇著哀傷的代誌發生佇咱身上的事,咱的幫助佇叨落?主耶穌祂說:「憂傷的人真有福氣,因為上帝oe7 ka7 in 安慰。」和合本的「哀慟」與現代台語的「憂傷」,攏會通真傳神來表達出的希臘文penthe'o所欲表達的那款「人內心的痛苦」,penthe'o常常用在為死去的親人悲傷或為失去所愛的人內心的傷痛。

咱每個人都會遭遇苦難、病痛、哀慟的時刻,基督徒在這種時刻與非基督徒一樣,內心會非常痛苦、哀傷;不同的所在是在佇「咱有盼望」,親像使徒保羅先生說的:「兄弟啊,論到啲睏的人,阮呣愛恁呣知,免得恁憂悶,親像hiah e5 無盼望的人一樣。因為咱若信耶穌有死有復活,就屬耶穌來睏的人,上帝也欲安呢chhoa7 in 及耶穌相及來。.....安呢,咱就永遠與主相及佇啲。所以著用這些話相安慰。」

人生的苦難咱無法逃避,在苦難中咱成為「哀慟的人」,總是咱欲從信仰的領受在那時刻體會上帝的同在與安慰,因為佇苦難與死失的憂傷內面,上帝並無棄拺屬祂的子兒。另外對於面對親人死亡的人來說,就是祂已為咱預備天堂永生的福氣,讓咱將來通做伙佇上帝那裡彼此再相見,這也是從上帝那裡來的安慰。

美國聖詩皇后、睛盲的芬妮(FannyJCrosby,1820-1915,有位好朋友安先生Mr.W.Doane,他常為芬妮的詩詞譜曲。一天,安對芬妮說:「我寫了一首曲子,希望你能配上詩詞。」他彈奏後,芬妮說:「這是安穩在耶穌手中。」於是,芬妮走進房間。半點鐘了後,手裏拿著這首詩歌,交互道安。這就是眾人喜愛的聖詩456首「耶穌的手扶持我」《安穩在耶穌手中(Safe in The Arms of Jesus)》也是第一首被譯成外國文字的美國詩歌。

有一次,芬妮從渡輪轉乘火車,船長請警察來攙扶芬妮,並介紹說:「這是芬妮.克羅斯比,曾寫過《安穩在耶穌手中》。」警察說:「上星期在我女兒的葬禮上,我們唱了這首詩歌。」芬妮坐上火車後,對他說:「願上帝祝福你,我會為你禱告,安慰你的太太,因為你的女兒已安穩在耶穌懷裏。」

芬妮在自傳中說:從來沒有恨過那位弄瞎她眼睛的赤腳,因為她對慈愛的天父有完全的信心,上帝曾應許她說:祂未留一無互那些行正直的人。」所以,她每日安穩在耶穌大能手中,享受主愛覆翼,使她心中湧出美辭,安慰滋潤許多遭遇苦難的人。

今仔日的經文欲ka咱講幾項事:

第一、上帝希望擔心那些佇主裡來死的人

使徒寫批ka帖撒羅尼迦教會的信徒知影,他真著急想欲消除他們的疑慮和恐懼。同時他也承認,人對死亡的事會憂悶,會悲慟是正常的,總是,保羅先生也期待咱,基督徒的悲傷應該與信主的人的悲傷有不同款的所在,因為,其他的人是「無盼望的人」。

第二、佇主來死的人是與主做伙

 保羅相信主耶穌基督欲帶著勝利回來,那些佇主內面已經睏去的人,欲佇主閣來的時受接納與主見面。保羅曾鼓勵哥林多教會的信徒說:「因為阮知,阮佇地裡布棚的厝若毀壞,就有對上帝所起造,呣是人的手所造的厝,是永遠佇天裡的。」(林後五41)但是,有一項不可否認的事實,就是咱猶活啲的人,會吃會睏會活動,佇肉體上,咱是與主耶穌相離的,若安呢該怎樣辦是好?保羅曾說,「安呢阮好膽,也閣卡歡喜離開身軀及主相及惦。」(林後五8)也就是說,死亡帶來一個大歡喜,就是人離開那個受著拘束的身軀,到佇主彼與主耶穌相與住。所以列位親愛兄姐,咱所敬疼的意然姐,她選擇離開她的身軀,來與主耶穌相與住,這豈呣是一件通值得咱安慰的事?

第三、卡贏過死亡的應允是欲賞賜互那些認識主耶穌的人

主耶穌基督對死裡復活,祂做頭上生的果子,尾手,復活也欲賞賜互那些回應上帝的信仰的人。從來無有一個宗教及它的道理,安呢好膽應允它的信徒,當in死了後,猶有復活與永遠的生命。咱看佛教,佛教主張人死了後,就是進入「善惡到頭終有報」的因果報應與死後的審判。人死了後,就進入到「六道輪迴」,六道輪迴靠的是「自己救自己」,但是咱知,自己根本叨無可能救自己。道家早期的思想與傳道書的思想是真類似的,但是後期變成道教了後,卻變成三魂七魄各有去處,修道者得道昇天,失道者,人死了後著受十殿閻羅的審判。列位兄姐,人攏有一次死,但是卻只有主耶穌卡贏過死亡,也將卡贏過死亡的應允賞賜互認識主耶穌的人。咱的意然姐她已經得著安呢的應允,咱是咱呢?你有得著否?

第四、佇永遠活內面,咱與親人的分離欲成做過去!   

既然,佇永遠活內面,咱與親人的分離欲成做過去,所以也就是說,咱就「永遠及主相及佇啲」(v.17)。

佇咱的生命內面,悲傷與悲痛的原因很多。但是上界互咱感覺悲傷哀痛的,豈采就是咱與咱所疼的人分離。咱與咱的老母分離,咱與咱的長輩分離,咱與咱的好朋友分離,咱與咱所疼惜、所關心的人分離,那款的痛,實在是真痛,痛入心底,這些感受攏是真真實的。總是,上帝應允咱,安呢的痛欲成做過去,因為佇天裡的生活,咱與咱的親人,與咱所疼惜的人無閣分開,咱所有的人是攏與主耶穌同生活,相及同在。

上帝應允咱說:「上帝....閣欲ka in的目睭拭去攏總的目屎;無欲閣有死失,也無欲閣有哀傷、喉叫、痛疼,前的代誌已經過去。」(啟示錄廿一4

列位親愛兄姐,牧師期待咱佇這些應允與鼓勵內面,來尋求安慰得著安慰。因為當咱啲回顧咱所疼的意然姐的信仰時,咱通發現著她所執守的信仰是那麼的美好,是那麼的寶貴。同款,牧師嘛盼望咱的遺族,咱所有兄弟姐妹,攏可以用信仰與勇氣來面對未來的挑戰,死亡的權勢並無取得最後的勝利,因為上帝是信實的,祂關心咱的心痛,咱的心碎,祂已經將耶穌基督賞賜互咱,祂也已經為著咱tam著死亡的滋味,總是祂也互主耶穌對死裡復活,祂欲將咱對死亡的驚惶內面拯救出來。盼望咱佇這些哀傷的日子當中,互咱來享受主的豐盛的恩典,以及上帝的憐憫,也互咱做伙用信心安慰與勇氣,來面對未來的日子。

是啊,「安呢,咱就永遠及主相及佇啲」,願上帝的疼上帝的話安慰咱。

 

 

arrow
arrow
    全站熱搜

    皮皮牧師 發表在 痞客邦 留言(0) 人氣()