聖詩:173324507

啟應文:23

經文:馬太福音十三4450;路加福音十九110

題目:尋找寶貝

列位親愛兄姐,願恁平安:

壹、前言:

小故事:請問您這兒有上帝賣嗎?
一個查甫囝仔手捏一美金,沿路一家一家問生理店講:「請問您這有上帝teh賣嗎?」店頭家攏講無,要他去別位尋。一直到天teh 欲暗時,第二十九間~有一間甘嘛店的頭家真熱心接待查甫囝仔。頭家頭毛白昌昌,他笑微微問查甫囝仔:「囝仔,你買上帝欲做啥?」查甫囝仔流目屎ka頭家講,他的父母很早就去世了,他是互阿叔飼大漢的。阿叔是一個起厝工人,不久前從鷹架上摔落來,到今猶久昏迷不醒。醫生說,只有上帝才能救他。所以查甫囝仔想說,上帝一定是種非常奇妙的物件,他把上帝買回來互阿叔吃,安呢他阿叔就會精神起來,著傷的所在就會好。
頭家聽了目圈濕去,問:「你有多少錢?」「一美金。」「囝仔,上帝的價格剛好是一美金!」頭家從架仔頂拿一罐「上帝之聖手」這個牌子的飲料互囝仔,然後頭家說:「拿去!囝仔,恁阿叔飲這罐『上帝』,他就沒代誌了。」囝仔聽了真歡喜彈跳,將飲料lam2咧緊走轉去病院。一入病房,他就緊將飲料互阿叔來飲。三天後,一個由醫學專家組成的醫療小組來到病院,對囝仔的阿叔做會診。in採用最先進的醫療技術,尾手醫好囝仔的阿叔的傷。這個阿叔出院時,看到醫療費用賬單的天文數字,差點昏過去。總是病院卻ka他說,有個頭家幫他把錢lap8清了。原來那頭家是個退休的企業家也是一個大好額人,病院閣將一張批阿交互囝仔與他的阿叔,批是頭家寫的,內容是說:「少年仔,您能有這個侄兒,實在是太好運了。為了救您,他拿一美元四處買上帝……感謝上帝,是他不斷熱誠啲尋找上帝的精神挽救您的生命。總是請您一定記住,上帝所做真正的神蹟,是人無惜任何代價所付出的疼心!

列位親愛兄姐,故事中間這個做阿叔的,佇囝仔的眼中是看做上界寶貝的人,因為阿叔是囝仔唯一的親人,閣是養飼他照顧他的親人,所以囝仔呣若願意犧牲他的時間來尋找「上帝」,也願意付出代價~就是他所有的財產~一元美金~來買「上帝」回去醫治他所疼的阿叔。我想,是囝仔無惜任何代價的疼心感動著上帝,才互囝仔的阿叔得著康復。呣知,佇咱的眼中,佇咱的心中,什麼才是咱的寶貝?是咱所看做第一要緊、第一貴氣的?

佇今仔日的馬太福音書內面,主耶穌ka咱講,「天國親像寶貝」、「天國親像生理人尋好的真珠」。可見,佇主耶穌與作者的眼中,上界寶貝、上界貴重的~是天國,或者說是「上帝的國度」。上帝的國度就是使上帝的旨意在地上的社會中,可以像天上一樣完全地實踐出來。所以,若欲佇天國內面有份,想欲進入上帝的國度,就要接受並且遵趁上帝的旨意,閣為著上帝的國度得著實現來付出任何的代價。就親像那尋寶貝的人一樣,上帝的亮光突然在某一個時刻光亮咱,使咱瞭解祂對咱的旨意。若欲接受那旨意,可能得要放棄咱所愛的目標和野心,放棄某一種奧得放棄的習慣和生活方式,然後接受一種不容易的操練,互上帝的旨意來統領咱的一切生活大大小小。

無久前,遇著一個牧師同工,他知牧師以前佇神學院是桌球與羽毛球的高手,所以就招牧師打球運動。總是,牧師ka他說,我已經封拍,無閣打桌球羽毛球,他soa驚一跳,其實,佇1993牧師去玉山神學院參加校慶球類比賽的時,有一個與牧師打球熟識的原住民牧師說,堅志你打球自以早到現在攏相款,打球的時殺氣真重。就安呢,1993年受派做傳道師了後,為著修心、磨練自己的脾氣與個性,所以牧師就將桌球、羽毛球拍攏收起來。這是改變,欲互上帝的旨意實現佇你的身上,你就必須放棄一些你看做要緊的物件,互上帝來變化你的氣質。

列位親愛兄姐,今仔日的經文欲ka咱講幾項事:

代先,咱著分清楚什麼是寶貝?(聽伊是咱的寶貝)

什麼是寶貝?有可能是妳的尪婿、你的家後、你的子兒查某子、你的事業、阿是你的寄金簿仔、金銀財寶呢?佇上帝的眼中,你是祂的寶貝,咱兄弟姐妹是上帝眼中的寶貝,咱溪湖教會所有大大小小的人攏是上帝眼中的寶貝。就因為咱是上帝眼中的寶貝,所以上帝就用祂的寶貝~祂的獨生聖子主耶穌的血來買贖咱,挽回咱,互咱也做上帝的子。上帝boe7嫌咱厝窄散赤,上帝boe7看輕咱無德無才,和尚頭兼無目bai5;上帝boe7厭惡咱關公面、張飛性,boe7討厭咱聽著笑話落下額。列位兄姐,曾想過bo5,無論人安怎ka7你貼「標籤」、安怎用一堆好話ka7你「謳咾」兼po-so,也用一些有的無的來中傷你、損害你的名聲,佇上帝的面前,你就是上帝所teh尋的「寶貝」,是上帝所走尋貴重的「真珠」。

續接,主耶穌也ka7咱說,這世間iauiau未尋著的「埋佇園裡的寶貝」、猶有流落他方、呣知佇叨的「好的真珠iau未受發現來得著。對佇主來說,咱溪湖地區所有住民攏是上帝重視也看做要緊的「寶貝」、以及「好的真珠」。牧師無認為上帝已經放棄這所在的住民,或者上帝認為所有的真珠攏已經尋著,反轉,當咱的小會員來找牧師了後,牧師隔天開始各日禁食祈禱,懇求上帝幫助牧師,互牧師與咱所有長執以及兄弟姐妹佇這所在,也通尋著iau未受發現的「寶貝」及「真珠」。

如果,咱也想欲感受著親像生理人得著「好的真珠那款的歡喜、快樂,安呢咱著學習「付出代價」,才會通尋著「好的真珠」。

第一、著犧牲咱的時間

你可能已經猜到第一項了,它的影響真的很大~那就是時間上的犧牲。就像人們說的,時間就是金錢,時間已成為最希罕的物。工作時間延長,休息時間變短,而生活的步調愈來愈緊。在這樣的社會中,當你歡喜向人犧牲時間這樣禮物時,實在是真不得了行為

耶穌的時代嘛是安呢!路加福音十九章,耶穌欲進入耶利哥城的時,有一大群人跟隨著祂~~很像美國過年時仔玫瑰花車大遊行,只是沒有花車若定!突然間,大家意外,耶穌停佇一叢樹仔腳,問一個名叫該的人豈會通量一些時間做伙討論一些彼此攏關心的問題。撒該此時一定嘴阿阿,大呣知欲怎樣講話信,但是他同意欲與主耶穌做伙吃這頓飯。佇主耶穌到撒該的厝,尚未開始吃飯,撒該就完全變一個人!他互主耶穌尋著,經驗命的更新他從到外徹底轉變。撒該轉變的關鍵就佇主耶穌他時間。祂停下遊行的腳步,把注意力集中在他身上。結果,撒該的前途永遠改變了。

撒該很像很多你認識的人。他對他人生的屬靈層面很感興趣;他的心已經敞開到會在遊行路線上找有利位置,以求瞥見耶穌基督一眼。但是他若通過好奇階段,必須有人願意犧牲一點時間,安排一頓飯,設法把話題轉到屬靈事務。耶穌花了時間,一切就改觀了。

列位兄姐最近你曾把時間當成物送給任何人嗎?上回你從壓得喘不過氣來的行程裡按下暫停鍵,挪出一兩小時給慕道友,是甚麼時候的事?

第二、著付出的代價是~財物

豈采有時咱會聽人講:「金錢是一切。」阿是親像俗語teh講:「有錢判生,無錢判死!」「錢非萬能,無錢萬萬不能!」佇一個大多數人醉心追求金財寶享受的時代,只要會通將別人的物質需自己的需之前,就夠額互慕道友奧得相~世間太猶有這號人??

佇黃金海岸邊行路運動,看見一個單親媽媽坐佇海岸邊,自己一人吃煙沈思,尾仔soa2開始目屎流目屎滴。後來轉介某外教派教會,in解決單親媽媽的經濟問題,也互她受感動來信主。件事互牧師有真深的體會互人的比對人theh的有福氣。

如果你能鬆開一點對自己財物的掌控,朋友和家人的生命會發生怎樣的事?想想看,一旦你應用約翰書三章18節的教導:「小子們哪,咱相愛,不要只在言語和頭上,總要在行為和誠實上。」那麼,誰的心可能會打開?誰的態度可能軟化?誰會變得好奇而開始提出屬靈方面的問題?請在這件事上試試上帝。為了別人的好處,把信仰訴諸行動~~這需要一點投資的行動~看看祂會如何改變人的生命。

第三、著付出的代價是內外合一的生活態度

想欲挖著寶貝、想欲得著好的珍珠,並呣是靠一支嘴,輕采講講的叨尋著。牛欲吃草嘛著頭俯低才吃會著,蛤蟆想欲哈水水的天鵝,嘛著設法互自己的嘴弓大呣才有可能!

以前高俊明牧師在屏東教會實習做神學生的時,總以為許有才牧師一定也有生活很虛假的一面,但經過長期的共同生活和觀察之後,高俊明牧師卻深深受著許有才牧師的影響,因為他發現許有才牧師是以將近五十年的事奉付出基督徒言行一致的代價,那是作了半世紀的 「活祭」。半世紀in不斷抵擋能使in跌倒的誘惑、妥協和假象。半世紀in不斷表達真理、愛心、學習僕人的服事和謙卑的態度。這款態度互高俊明牧師後來也謙卑的投入在山地的宣教事工裡面,並成為玉山神學院的院長。

在牧師的牧會生涯裡,像許有才牧師那款的不虛假,以及牧師的二姨丈李光照牧師那款的身教,加互牧師相信,我自己最好得要有作好準備跑馬拉松的心態

列位親愛兄姐,若是咱呢?你有想欲決定,欲倚上帝的幫助,來尋著寶貝,尋著好的真珠bo5?牧師可以ka咱掛保証,如果你可以尋著上帝眼中的寶貝,以及好的真珠,你會發現你的人生常常攏充滿著驚奇、歡喜!

願上帝賜福咱!

arrow
arrow
    全站熱搜

    皮皮牧師 發表在 痞客邦 留言(2) 人氣()